L'Angolo del Capitano

E PLEIOFF SIA!

Anca sto ano ghea ghemo fata! Oh-là…cussi se fa!!!
Ea ze sta pi soferta del soito ma ala fine tra panetoni digerii a fine febraro e pandori ncora ingolfai …al secondo turno semo rivai!
Bisogna dire che col fià semo restai indrio, tanto che ea mitica zona de l’ano scorso ghe ne ga risentio, penseve che ea jera ea nostra arma vincente! In più podemo zontarghe un rendimento incostante da parte de tuti quanti e dee ovie dificoltà dovue ad arivi e partense (benvegnui ale graditissime niu-entri).
Nonostante ea crisi economica sue spae ea stimana prosima, dopo che ghemo roto i ovi, se parte; quindi, cari baonari, prepareve e camize parchè ghe sarà da suare, tireve su e maneghe, caricheve de brodaglie varie, tirè un fià de canoni ma serchemo de meterghea tuta e vendare cara ea pee. Se zughemo ben no’ semo inferiori a nissuni!
Forsa Dalmata!

Clamorosi ringrassiamenti a:

- a Mario Bardelli pà ea so ativitò gratuita de: dirigente/refertista/cronometrista/plei da alenamento/portaborace/tirasuschei e altre…
- ai veci parchè soporta i boce
- ai boce parchè soporta i veci
- a Riccardo Da Re par el blog che tira vanti de suo
- a Diego Rissi che no’ fa più i scaraboci a torta ma porta e torte dea mama

Nota de demerito

- al “Geometra” parchè gà sarà el nostro locae preferio el “Furore” nonché mein sponsor
- a Marco Cosci che el gà preferio ndare fare el “scudo umano” ala base americana ad Aviano pitosto che restare co’ nialtri
- al nostro peso-forma che ze ndà farse benedire za da tempo


uiv lov
Giorgio Dal Porto
16 - capitano